Burnt Church Song

Burnt Church Song

Lyrics © 2002 Dr Bernie Francis

Metepna'kiaqewaq Natuaqnekewaq
Listukujk elt wjita'taqq
Pik Ko'pkewaq i'mu'titaqq
Naji apoqnmua'tita

Pewalkîtjik elt Unama'kikewaq
Aq elt Sîpekne'katikewaq
Paqtnkekewaq Piktukewaq
Naji-apoqnmuinamnew

Weli-kjijitu'tij kikmanaq
Tetuji-sa'q ta'n kemutmulkwik
Tepiaq nuku' teli kiseyulkwik
Weji-pejita'ykw Esknuopîtijk

Wli-anko'tmnej elt kinu
Mu wesua'lulukkw oqmo'ti
Qame'kewaq ne'pa'kwi'tij
Klapis kîtu' ktmete'mi'tij

Kaqiaql nipuktl nike'
Kwitamaqn poqji-eule'jk
Mu kinu koqqwa'tukkw telo'lti'kw
Ma' wskwianukw koqoey wejin'tulti'kw

Nuku' L'nuita'sultinej
Sîke nike' kniskamijinaqik
Mukk wji-ktmete'mupp mimajuaqn
Tetoqatmuanej pitu'-knijannaq

Esknuopîtijkewaq kilow
Wela'liek melkuktmoq
Mu ntui'sketunew ktri'timinal
Matnaqatinew wjit knijannaq

Mukk ntui'sketupp ktri'timinal
Mukk tla'siw sîke Qame'kewa'j
Mukk na'qatpeyulij suliewey
Mukk ntui'sketu ta'n mu ki'lewey

english transation & to listen to this song